Presidenti ukrainas Volodymyr Zelensky vizitoi trupat në rajonin e Donetskut, ku njoftoi se ushtria ukrainase ka penguar disa përparime të Rusisë gjatë verës dhe ka rimarrë 160 km² tokë dhe shtatë vendbanime pranë qytetit Dobropillia.

Zelensky theksoi se kundërsulmi është ende në vazhdim dhe se Rusia ka pësuar mijëra humbje. Ndërkohë, një sulm ajror rus në qytetin Kostiantynivka vrau pesë persona.

“Hap pas hapi, luftëtarët po çlirojnë tokën tonë. Që nga fillimi i operacionit, 160 kilometra katrorë dhe shtatë vendbanime janë rimarrë”, tha Zelensky në X.

Qyteti ndodhet afër vijës së frontit dhe është i rrethuar nga trupat ruse nga tre anët.

Rusia mohon se ka shënjestruar civilë, ndërsa Ukraina dhe aleatët e saj thonë se forcat ruse po pësojnë humbje të mëdha për fitime të vogla territoriale, duke lënë pas qytete të shkatërruara.

Rusia nisi pushtimin e saj në shkallë të plotë  në shkurt të vitit 2022 dhe forcat e saj kanë sulmuar në të gjithë Ukrainën lindore për muaj të tërë, duke u përpjekur të marrin kontrollin e rajoneve të Donetskut dhe Luganskut.

 Ukraina dhe aleatët e saj perëndimorë thonë se trupat ruse po pësojnë humbje të mëdha për fitime relativisht të vogla territoriale, ndërsa po lënë qytete dhe fshatra të shkatërruara pas tyre.

/rtsh.al/