Kontrolle masive të Policisë Rrugore, fokus te siguria dhe përdorimi i patinave elektrike

Aktualitet | 1 vit më parë

Policia Rrugore ka intensifikuar kontrollet në të gjithë vendin me synimin për të parandaluar aksidentet dhe për të rritur sigurinë në rrugë. Fokusi i operacionit është vendosur te përdoruesit e patinave elektrike, ciklomotorëve, dhe tejkalimi i shpejtësisë.

Për patinat elektrike me shpejtësi deri në 25 km/orë, Policia kërkon respektimin e rregullave të qarkullimit. Për ciklomotorët dhe patinat elektrike me shpejtësi mbi 25 km/orë, drejtuesit duhet të jenë mbi 16 vjeç dhe të kenë leje drejtimi të kategorisë AM.

Kontrollet janë shtuar gjithashtu edhe për:

Drejtimin nën efektin e alkoolit.

Përdorimin e celularit gjatë drejtimit.

Mosvendosjen e rripit të sigurimit.

Parakalimet e gabuara.

Këto masa vijnë si pjesë e një përpjekjeje më të gjerë për të garantuar rendin dhe sigurinë në trafikun rrugor.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.