Arrestohet në Vlorë 41-vjeçari për trafik droge, sekuestrohen kokainë dhe kanabis

Aktualitet | 1 vit më parë

Një 41-vjeçar me inicialet E. V. është vënë në pranga nga policia në Lushnje, i dyshuar për veprën penale “Prodhimi dhe shitja e narkotikëve”.

Arrestimi u krye pas një kontrolli të ushtruar në automjetin e tij tip “Hyundai”, ku u gjetën dhe sekuestruan si prova materiale një sasi lënde të dyshuar narkotike kokainë dhe kanabis sativa, të ndara në katër ambalazhime plastike.

Pas përfundimit të procedurave hetimore, materialet u referuan në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, për vijimin e veprimeve ligjore.

Autoritetet vijojnë hetimet për zbardhjen e plotë të rastit.

/rtsh.al/

kanabis

lushnje

policia

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.