Dronë të paidentifikuar u vunë re pranë instalimeve ushtarake në Danimarkë gjatë natës, thanë Forcat e Armatosura daneze, pas disa ndërhyrjeve me dronë pranë aeroporteve dhe infrastrukturës kritike këtë javë.

“Mbrojtja Daneze mund të konfirmojë se dronë u vunë re në disa nga vendndodhjet e Mbrojtjes Daneze mbrëmë. U vendosën disa kapacitete”, tha një zëdhënës i ushtrisë daneze.

Aeroporti i Kopenhagenit, më i ngarkuari i rajonit nordik, u mbyll për disa orë vonë të hënën, pasi disa dronë të mëdhenj u panë në hapësirën e tij ajrore. Pesë aeroporte më të vogla, si civile ashtu edhe ushtarake, u mbyllën gjithashtu përkohësisht në ditët në vijim.

Autoritetet daneze i kanë quajtur inkursionet “sulme hibride”, ndërsa kryeministrja Mette Frederiksen tha më parë këtë javë se ishte “sulmi më serioz ndaj infrastrukturës kritike daneze deri më sot”.

/rtsh.al/