I dërguari special i SHBA-së, Steve Witkoff është shprehur optimist për realizimin e planit të SHBA-së për t’i dhënë fund luftës në Gazë duke përmendur edhe mbështetjen e gjerë ndërkombëtare për marrëveshjen.

“Ne kemi kaq shumë mbështetje të gjerë nga të gjitha vendet arabe të Bregut të Gjirit [sic], kemi mbështetje të gjerë nga evropianët”, ka deklaruar Witkoff.

Ai ka theksuar se ka ende detaje për t’u zgjidhur, por palët e interesuara që nuk pajtohen do të ndodhen nën presionin e presidentit të SHBA-së, Donald Trump.

“Të gjithë do të nxiten prej tij dhe do të mendojnë se do të arrijmë në vijën e finishit”, tha ai.

Sipas Witkoff, SHBA ka besim se si Izraeli dhe Hamasi do të arrijnë një pikëtakimi mes tyre dhe t’i japin fund konfiktit.  

“Jam shumë optimist dhe jam vërtet shpresëplotë, sepse kam takuar njerëz nga të dyja palët dhe kjo duhet të marrë fund”, deklaroi më tej Witkoff.

/rtsh.al/