Ministri i Mbrojtjes, Pirro Vengu është pritur në një takim në Varshavë nga homologu polak Władysław Kosiniak-Kamysz, me të cilin ka biseduar për intensifikimin e bashkëpunimit mes dy ministrive për fuqizimin e kapitalit njerëzor dhe rritjen e kapaciteteve prodhuese.

Vengu ka shprehur mirënjohjen ndaj Polonisë për mbështetjen e pakursyer në funksion të stabilitetit dhe sigurisë në Evropën Juglindore.

“Në eksperiencën e suksesshme polake, anëtarësimi në BE dhe mbështetja konsistente për Mbrojtjen dhe industrinë ushtarake janë dy anë të së njëjtës medalje. Një mësim i vyer që na nxit për më shumë bashkëpunim me Poloninë, një aleat i qëndrueshëm i procesit të anëtarësimit të Shqipërisë në BE.

Ramë dakord sot për një intensifikim të bashkëpunimit mes dy ministrive të Mbrojtjes në dy elementë kyç: fuqizimi i kapitalit njerëzor dhe rritja e kapaciteteve prodhuese.

Mirënjohës Polonisë për mbështetjen e pakursyer dhe për vëmendjen dashamirëse në funksion të stabilitetit dhe sigurisë në Evropën Juglindore”, deklaroi Vengu.

/rtsh.al/