Tentoi t’u largohej “Shqiponjave” gjatë kontrollit për armë, por përplasi disa mjete dhe plagosi dy persona. Kapet i riu në Tiranë

Aktualitet | 1 vit më parë

Një kontroll i mjeteve për posedim të armëve pa leje në Tiranë është kthyer në një aksident të shumëfishtë duke lënë të plagosur dy persona.

Ngjarja ka ndodhur në orën 12:30, tek Liqeni i Thatë, ku pas sinjalizimit për posedim të armëve të zjarri pa leje, efektivët e “Shqiponjave” kanë ndaluar drejtuesin e mjetit, 31-vjeçarin I. K.

Pas ndalimit, në momentin që efektivët i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke përplasur disa automjete dhe 1 motomjet.

Si pasojë është dëmtuar drejtuesi dhe pasagjeri në motomjet, të cilët ndodhen në spital.

Pas një ndjekje intensive u bë ndalimi i automjetit ku u gjet një pistoletë, ndërsa 31-vjeçari u vu në pranga.

Grupi hetimor vijon hetimet për zbardhjen e plotë të rastit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.