Kosova barazon me Slloveninë, mbetet në vendin e dytë

Botërori 2026 | 1 vit më parë

Kosova ka barazuar 0-0 me Slloveninë në ndeshjen e raundit të tretë(Grupi B) për kualifikueset e Kupës së Botës 2026. Në “Fadil Vokrri”, Dardanët e nisën mirë sfidën, Muriqi dha shkëndijat e para në zonën kundërshtare pas pesë minutash lojë.

Me kalimin e minutave dhe përfaqësuesja sllovene doli në lojën e saj duke rrezikuar disa herë portën e mbrojtur nga Aro Muric. Pavarësisht tentativave, portat mbetën të paprekura. Një barazim 0-0, një pikë e fituar për “Dardanë”, të cilët të hënën do të përballen me Suedinë.

Kosova ndodhet në vendin e dytë me 4 pikë pas tri ndeshjesh të luajtura, ndërsa Sllovenia në vend të tretë me 2 pikë. Vendin e parë e mban Zvicra me 9 pikë, Suedia në vend të fundit me 1 pikë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.