Ministri ukrainas i Mbrojtjes, Denys Shmyhal, deklaroi se Ukraina do të ketë nevojë për ndihmë ushtarake që varion nga 12 deri në 20 miliardë dollarë gjatë vitit të ardhshëm, si pjesë e një iniciative të re të NATO-s për blerjen e armëve amerikane.

Programi i ri, i njohur si PURL (Lista e Kërkesave të Përparësuara të Ukrainës), është lançuar me mbështetjen e Shteteve të Bashkuara dhe i mundëson Kievit të blejë sisteme armësh amerikane, të financuara nga vendet evropiane.

Deri më tani, aleatët kanë kontribuar me mbi 2 miliardë dollarë përmes këtij mekanizmi.

Gjatë një takimi me homologët e tij në Bruksel, Shmyhal theksoi se Ukraina ka kapacitetin për të prodhuar deri në 10 milionë dronë në vitin 2026, nëse sigurohen fondet e nevojshme nga partnerët ndërkombëtarë. Ai gjithashtu kërkoi më shumë predha artilerie me rreze të gjatë veprimi, të cilat janë të domosdoshme për të përballuar ofensivën ruse në vijën e frontit.

Kjo deklaratë vjen në një moment kur NATO po shqyrton mënyra të reja për të garantuar mbështetje afatgjatë për Ukrainën, duke përfshirë zgjerimin e pjesëmarrjes në programin PURL dhe rritjen e kontributeve nga vendet anëtare.

/rtsh.al/