Një 28-vjeçar nga Kolumbia është arrestuar në kudër të operacionit të nisur 4 ditë më parë për trafikim femrash me qëllim shfrytëzimin për prostitucion.

Sipas policisë, 28-vjeçari rekrutonte shtetase kolumbiane dhe i sillte në Shqipëri  duke i premtuar punësim kundrejt pagesës 3 mijë euro, por i shfrytëzonte për prostitucion.   

28-vjeçari u vë në pranga në pikën kufitare të Murriqanit, ndërsa janë arrestuar dhe 2 shtetase kolumbiane gjatë operacionit, në një apartament të marrë me qira në Durrës, ku ushtronin prostitucion dhe shisnin lëndë narkotike.  

“Vijon operacioni i koduar “Storm 9”, i zhvilluar 4 ditë më parë, për goditjen e veprimtarisë kriminale të trafikimit të femrave, me qëllim shfrytëzimin për prostitucion. 

Kapet dhe vihet në pranga 28-vjeçari, shtetas kolumbian, i shpallur në kërkim në kuadër të këtij operacioni. Ky shtetas dyshohet se rekrutonte shtetase kolumbiane dhe i sillte në Shqipëri, duke i premtuar punësim kundrejt pagesës 3000 euro, por i shfrytëzonte për prostitucion.   

Sekuestrohen 3 celularë që ai dyshohet se i përdorte për këtë veprimtari kriminale“, thuhet në njoftim.

/rtsh.al/