Akuzohet për vrasjen e biznesmenit italian, Gjykata e Gjirokastrës lë në burg pa afat, Kamber Sulçen

Aktualitet | 1 vit më parë

Gjykata e Shkallës së Parë e Juridiksionit të Përgjithshëm vendosi të vazhdojë masën “Arrest në burg” për Kamber Sulçaj, 48-vjeçarin e dyshuar për vrasjen e biznesmenit italian Edoardo Sarchi në fshatin Salari të Tepelenës.

Sulçaj u paraqit para togave të zeza dy ditë pas vetëdorëzimit në Prokurori, ku dorëzoi edhe armën e dyshuar të përdorur në ngjarje.

Gjatë seancës, prokurorja Blerina Musabelli paraqiti provat e hetimit, ndërsa avokati i Sulçajt, Arsenal Zotaj, kërkoi të merret parasysh dorëzimi i klientit si rrethanë lehtësuese.

I akuzuari qëndroi i heshtur, ndërsa avokati paralajmëroi ankimin e vendimit në Apelin e Tiranës.

Ngjarja ndodhi mesnatën e 27 shtatorit dhe u mbajt e paqartë për tre ditë, derisa Policia shpalli në kërkim Sulçajn më 29 shtator.

Procedurat penale për ngjarjen vijojnë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.