Vakancat në Komisionin Rregullator në KQZ, nesër afati i fundit për aplikim. Dorëzohen 6 kandidatura

Politikë | 1 vit më parë

Më 23 tetor mbyllet afati për aplikimet për pesë vendet vakante në Komisionin Rregullator në KQZ. Radio Televizioni Shqiptar mëson se deri tani janë dorëzuar 6 kandidatura.

Mes tyre me mbështetjen e Partisë Demokratike janë Helga Vukaj, e cila aktualisht është pjesë e Komisionit Rregullator dhe Arben Ristani, ish-kryetar i KQZ-së.

Në listën e kandidatëve që mbështeten nga PS përfshihen Ilirjana Nano, e cila kryeson aktualisht Komisionin Rregullator dhe Dritan Çakaj anëtar në detyrë. Po ashtu edhe emri i Bledar Skënderit, ish-anëtar i KQZ deri në vitin 2020, është një tjetër propozim i mazhorancës.

Komisioni Rregullator përbëhet nga pesë anëtarë tre të propozuar nga shumica dhe dy nga opozita dhe ka rol vendimtar në administrimin e proceseve zgjedhore.

Gazetare: Jonida Omeri

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.