Kompania TETE ALBANIA TUNNEL AND MINING Sh.A. ka reaguar zyrtarisht ndaj grevës që ka nisur brenda strukturave të saj që prej datës 8 tetor 2025. Sipas njoftimit, “më shumë se 45 punonjës kanë shkelur kontratat e tyre duke mos u paraqitur në vendin e punës”.

Në një thirrje të drejtpërdrejtë, TETE Albania ka theksuar se greva është e paligjshme, por gjithsesi shprehur vullnet për të menaxhuar situatën në frymën e bashkëpunimit.

“Si shenjë vullneti të mirë, TETE Albania ka informuar vazhdimisht punonjësit për shkeljet ligjore që burojnë nga ky veprim dhe u ka bërë thirrje për t’u rikthyer në punë,” thuhet në deklaratë, duke theksuar gatishmërinë e kompanisë për të dëgjuar shqetësimet dhe për të zhvilluar dialog të hapur.

TETE Albania thekson se mbyllja e këtij aktiviteti ndikon negativisht jo vetëm te 170 punonjësit e tjerë aktivë, por edhe te qindra punëtorë të kompanive nënkontraktuese, të cilët presin rifillimin e aktivitetit.

/rtsh.al/