Mungesë kuorumi në Kuvend, shtyhet votimi për anëtarët e Komisionit Rregullator të KQZ-së

Aktualitet | 1 vit më parë

Pas largimit të opozitës nga salla e Kuvendit gjatë seancës së djeshme, Kuvendi i Shqipërisë sqaroi publikun lidhur me procesin e votimit të disa pikave të rendit të ditës, që lidhen me përzgjedhjen e kryetarit dhe anëtarëve të Komisionit Rregullator të Komisionit Qendror të Zgjedhjeve.

Në njoftim theksohet se këto pika ishin pjesë e një vendimmarrjeje të dakordësuar më herët mes mazhorancës dhe opozitës, e planifikuar për t’u votuar më 30 tetor 2025.

Megjithatë, për shkak të mungesës së kuorumit të nevojshëm prej tre të pestave të deputetëve, procesi i votimit për emrat e propozuar nuk u finalizua, dhe Kryetari i Kuvendit njoftoi se votimi do të përsëritet në seancën plenare të radhës.

Gazetar: Omer Saraçi

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.