Bashkia e Maliqit ka aplikuar pranë Ministrisë së Kulturës për ta shpallur vallen gorarçe si trashëgimi kulturore jo materiale.

Kjo valle ka qenë dhe vazhdon të jetë më autentikja e folklorit shqiptar për nga bukuria dhe larmia e lëvizjeve të saj virtuoze dhe madhështore njëkohësisht.

Kryebashkiaku i Maliqit Gëzim Topçiu thotë se bashkia do të mbështesë edhe krijimin e një arkivi të veshjeve që përfaqësojnë krahinën e Gorës..

Vallja gorarçe është një valle burrash. Motivi bazë i kërcimit në hyrje të kësaj valleje është rrëshqitja deri në tokë, shoqëruar me mënyrën e lidhjes së interpretuesve krah për krah dhe mbështetja tek njëri tjetri.

Qysh në fillimin e saj na jep të kuptojmë se kemi të bëjmë me një valle burrash trimërore megjithatë duhet theksuar gjithashtu se kjo valle ka qenë vallja bazë e të gjitha dasmave të krahinës së Gorës.

Gazetare Kostanca Koçi

/rtsh.al/