Kishte zënë hapësirën publike për ta shfrytëzuar për biznes, nën hetim një 28-vjeçar në Lushnjë

Aktualitet | 12 muaj më parë

Një tjetër rast i zënies së hapësirës publike është evidentuar në Lushnjë, ku nën hetim u mor një 28-vjeçar.

Sipas policisë i riu kishte zënë hapësirën publike në lagjen “Skënder Libohova” të Lushnjës dhe e shfrytëzonte si subjekt për shitblerje automjetesh, aktivitet të cilin nuk e kishte regjistruar tek organet tatimore.

Nën hetim u vu 28-vjeçari B. K., ndërsa policia njofton se nuk do të tolerohet asnjë rast i zënien së hapësirave publike. Aksioni për lirimin e hapësirave publike vijon prej muajsh në të gjithë vendin për kthimin e tyre në funksikon të komunitetit.

Materialet procedurale për të riun u referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.