Kanosën efektivin për një gjobë, Prokuroria Shkodër dërgon në gjykim dy vëllezërit

Aktualitet | 12 muaj më parë

Prokuroria e Shkodrës ka përfunduar hetimet dhe ka dërguar për gjykim dy vëllezërit Albert K. dhe Alfons K., të akuzuar për kryerjen e veprës penale “Kanosja për shkak të detyrës”.

Sipas hetimeve, ngjarja ka ndodhur më 10 shtator 2025, kur efektivët e “Forcës së Posaçme Shqiponja”, pjesë e Drejtorisë Vendore të Policisë Shkodër, janë kanosur gjatë ushtrimit të detyrës së tyre. Konflikti dyshohet se lindi pas vendosjes së një gjobe administrative ndaj të pandehurve.

Në njoftimin e Prokurorisë thuhet se njëri nga vëllezërit mban detyrën punonjës në Forcat e Ndërhyrjes së Shpejtë (FNSH), ndërsa të dy dyshohen se kanë kërcënuar efektivët e “Shqiponjave” për shkak të kryerjes së detyrës.

Dosja hetimore tashmë i është kaluar Gjykatës së Shkodrës, e cila do të vendosë mbi dy të pandehurit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.