Në të gjitha bashkitë e Qarkut Shkodër nuk janë raportuar probleme nga reshjet e shiut, ndërsa nga mesnata situata është përmirësuar ndjeshëm edhe me rënien e intensitetit të reshjeve.

Reshjet gjatë natës kanë qenë me intensitet mesatar në disa zona, por pa shkaktuar dëmtime, bllokime rrugësh apo përmbytje.

Mungesa e energjisë elektrike është raportuar vetëm në Bashkinë Vau Dejës, në tre njësi administrative malore Vig-Mnelë, Temal dhe Shllak. Strukturat e emergjencave civile dhe ekipet e terrenit po vijojnë monitorimin e situatës.

Konkretisht:

Bashkia Shkodër

– Reshjet kanë vijuar gjatë natës me intensitet mesatar, por nuk janë evidentuar problematika.

– Furnizimi me energji elektrike është normal.

Bashkia Malësi e Madhe

– Nuk ka raportime për probleme apo situata emergjente.

– Nuk janë regjistruar reshje gjatë natës.

Bashkia Vau Dejës

– Reshje me intensitet mesatar janë shënuar gjatë natës.

– Rrugët, urat dhe zona të tjera të ndjeshme paraqiten në kushte të mira, pa probleme nga përmbytjet.

– Mungesa e energjisë elektrike vazhdon në tre njësi administrative malore: Vig-Mnelë, Temal dhe Shllak.

Bashkia Pukë

– Nuk raportohen probleme me emergjencat civile.

Bashkia Fushë-Arrëz

– Reshjet me intensitet mesatar kanë vijuar gjatë natës.

– Deri në këto momente nuk ka raportime për situata problematike.

Autoritetet lokale dhe strukturat e emergjencave civile vijojnë monitorimin e situatës në të gjithë qarkun.

/rtsh.al/