Gramsh, rritet niveli i lumit në Kërrpicë, vendosen masa emergjente

Aktualitet | 12 muaj më parë

Nga salla operative e Drejtorisë Vendore të Policisë së qarkut Elbasan bëhet e ditur se në fshatin Kërrpicë, Njësia Administrative Kushovë, bashkia Gramsh, lumi i Kërrpicës rrezikon të dalë nga shtrati për shkak të reshjeve të dendura.

Për të parandaluar përmbytjen e 8 banesave të rrezikuara, Bashkia Gramsh ka dërguar menjëherë në terren një mjet tip fadromë, i cili po punon për forcimin e argjinaturës dhe krijimin e mbrojtjeve të përkohshme.

Ndërkohë, drejt fshatit Kërrpicë është nisur edhe një mjet zjarrfikës me efektivë të MZSH Gramsh, të cilët do të jenë në gatishmëri për të reaguar në çdo moment nëse situata përkeqësohet.

Autoritetet vendore dhe strukturat e emergjencave civile bëjnë të ditur se janë në ndjekje të situatës dhe u bëjnë thirrje banorëve të qëndrojnë vigjilentë dhe të bashkëpunojnë me ekipet në terren.

/rtsh.al/

lumi

masa emergjente

moti

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.