Fushë-Arrëz/ Dy persona të armatosur fshihen brenda një shtëpie të pabanuar, Policia dhe RENEA rrethojnë zonën

Aktualitet | 11 muaj më parë

Forcat speciale RENEA, në bashkëpunim me policinë lokale, kanë rrethuar një banesë të pabanuar në fshatin Orosh të Fushë-Arrëzit, ku dyshohet se janë strehuar 2 persona të armatosur.

Sipas informacioneve siguruar nga RTSH24, operacioni është ende në zhvillim pasi personat e dyshuar konsiderohen të rrezikshëm. Perimetri i zonës është siguruar për të shmangur çdo incident të mundshëm.

Ashtu siç raportohet nga korrespodentët e RTSH-së, aksioni po zhvillohet në zonën e fshatit Kryezi, ku dy persona kërkohen nga policia.

Ata mësohet se janë të armatosur, njëri prej tyre është lokalizuar, tjetri po kërkohet sepse zona ka banesa të pabanuara.

Përveç RENEA-s, në vendngjarje ndodhet edhe Antiterrori i DVP Shkodër.

Deri më tani nuk bëhet i ditur identiteti i dy personave të armatosur.

Lajmi në përditësim…

policia

RENEA

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.