Ministrja e Punëve të Jashtme, Elisa Spiropali, ka pritur në Tiranë homologen austriake Beate Meinl-Reisinger.

Spiropali theksoi bashkëpunimin e ngushtë mes dy shteteve në fushat politike, ekonomike dhe të sigurisë.

Ministrja Spiropali vlerësoi mbështetjen e vazhdueshme të Austrisë për integrimin europian të Shqipërisë, për kontributin në zbatimin e reformave të rëndësishme.

“Pas takimit Spiropali shkruan në rretet sociale: E nderuar të mirëpres Ministren Federale për Europën dhe Punët e Jashtme të Republikës së Austrisë, Beate Meinl-Reisinger, për shndërrimin e aksit Tiranë-Vienë, në një aks shumë më dinamik në të gjitha drejtimet, politikisht, ekonomikisht dhe në aspektin e sigurisë.

Mbështetja parimore e Austrisë për integrimin europian të vendit, kontributi në jetëzimin e reformave kyçe, si dhe mbështetja për zhvillimin ekonomik të Ballkanit Perëndimor, kanë bërë gjithmonë diferencën në rajonin tonë”, shkruan Spiropali në rrjetet sociale.

/rtsh.al/