Me moton “Shkodra N’festë”, kryeqendra e veriut po mirëpret këtë dhjetor turistë të shumë vendas dhe të huaj.Atmosfera festive, dekorimet shumëngjyrëshe, tregjet e fund vitit dhe aktivitetet kulturore që zhvillohen në çdo cep të qytetit, e bëjnë Shkodrën një pikë të preferuar për vizitorët vendas dhe të huaj.

Drejtori i Turizmit në bashkinë Shkodër, Renato Lumçi, u shpreh se ky fillim dhjetori ka sjellë rezervime të mëdha të njësive të hoteleve me  grupe nga Turqia, si dhe fluks nga Mali i Zi. Gjithashtu, sipas komunikimit me disa operatorë turistikë, ka prenotime edhe nga Gjermania dhe Polonia u shpreh Lumçi.

“Kemi grupe nga Turqia, Mali i Zi, por dhe nga Gjermania dhe Polonia ka rezervime sipas komunikimeve me disa operator turistik”, u shpreh Lumçi

Në fund të muajit nëntor u zhvillua aktiviteti madhështor “Sofra e Mikpritjes”, ndërsa “Sofra e Pavarësisë” u mbajt në zemër të Shkodrës.

“Në fund të nëntorit ishte aktiviteti shumë i madh i Sofrës së Pavarësisë. Do të kulmojmë me datën 6 ku do të bëhet ndezja e dritave në Shkodër”, tha ai.

Kalendari i aktiviteteve është i larmishëm për dhjetorin. Janë mbi 20 koncerte që do të mbahen në sheshin para bashkisë së Shkodrës .Aktivitetet do të vijojnë deri në natën e ndërrimit të viteve kur do të zhvillohet dhe spektakli i fishekzjarrëve në mesnatë.

Gazetar: M. Rakaj  

/rtsh.al/