Kategoria e Parë në RTSH: Skënderbeu “bie” në Korçë, Pogradeci fiton me përmbysje

Kategoria e Parë | 11 muaj më parë

Pogradeci ka surprizuar Skënderbeun në Korçë, pasi ka fituar me përmbysje 2-1 derbin e juglindjes, duke i shkaktuar humbjen e parë sezonale në shtëpi kryesuesve të Kategorisë së Parë.

Korçarët mbyllën pjesën e parë në avantazh 1-0 falë golit të shënuar nga Nasr, por pogradecarët reaguan në pjesën e dytë, duke bërë përmbysjen e madhe. Kazem barazoi shifrat, ndërsa Danladi shënoi golin e fitores për liqenorët në kohën shtesë.

Mbyllet 2-1 për Pogradecin sfida më e rëndësishme e javës në Kategorinë e Parë dhe tashmë liqenorët ngjiten në kuotën e 26 pikëve në klasifikim.

Ndalet pas disa fitoreve radhazi Skënderbeu, që gjithsesi vazhdon të kryesojë i vetëm renditjen me 34 pikë, 7 më shumë se Laçi i vendit të dytë.

Pogradeci

Skënderbeu

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.