Presidenti amerikan Donald Trump tha se Shtetet e Bashkuara kanë sekuestruar një anije cisternë nafte në brigjet e Venezuelës, duke e përshkruar si “më të madhën e sekuestruar ndonjëherë”. Operacioni u krye nga Roja Bregdetare e SHBA-së.

“U sekuestrua për një arsye shumë të mirë,” deklaroi Trump gjatë një aktiviteti në Shtëpinë e Bardhë, pa dhënë detaje të mëtejshme.

Kur u pyet se çfarë do të ndodhë me naftën në cisternë, ai shtoi: “Epo, ne e mbajmë atë, mendoj… Unë supozoj se do ta mbajmë naftën.”

Venezuela ka disa nga rezervat më të mëdha të naftës në botë, dhe presidenti i saj, Nicolás Maduro, ka akuzuar më parë SHBA-në se po përpiqet të marrë kontrollin e tyre. Qeveria venezuelase beson se prania e shtuar ushtarake e SHBA-së në rajon synon të rrëzojë presidentin Maduro.

Sekuestrimi vjen ndërsa Shtetet e Bashkuara kanë forcuar praninë e tyre ushtarake në rajon, në kuadër të një operacioni që thuhet se synon luftimin e trafikut të drogës.

/rtsh.al/