Trajneri i Partizanit, Oltijon Kërnaja, ka folur për mediat në prag të ndeshjes së nesërme kundër Flamurtarit, që do të luhet në “Arenën e Demave” në orën 16:30 dhe do të transmetohet në RTSH Sport. Tekniku vlerëson kundërshtarin, por thekson se Partizani do të kërkojë maksimumin e pikëve në këtë takim.

Si e prisni ndeshjen ndaj Flamurtarit?

Flamurtari është një ekip për tu vlerësuar. Sigurisht ka bërë mirë në këto javët e fundit, pavarësisht ndeshjes së fundit me Dinamo City. Është një ndeshje e vështirë, por besoj që çunat të gjithë në fushë do të japin maksimumin dhe do ta përballojmë me sukses.

Si është gjendja e skuadrës?

Lojtarë të dëmtuar siç dihet tashmë përveç Prekës që vazhdon të jetë dëmtuar i është shtuar edhe Arafat Dumbia i cili u dëmtua në ndeshjen me Tiranën. Për shkak kartonësh gjithashtu do të na mungoj edhe Ismaili.