Agjencia Kombëtare për Mbrojtjen Civile zhvilloi fushatën  ndërgjegjësuese mbi zjarret dhe përmbytjet në institucione të ndryshme. Përmes këtij projekti, Agjencia ka mbështetur pesë bashki që preken çdo vit nga këto fatkeqësi, konkretisht Malësi e Madhe, Pukë, Divjakë, Rrogozhinë dhe Kavajë. Në këtë fazë janë realizuar takime në bashkitë përkatëse për të diskutuar situatat emergjente dhe masat e parandalimit të hershëm.

“Kemi nevojë për një stacion malor zjarrfikës , për shtim të kapaciteteve të burimeve njerëzore, kemi nevojë për shtimin për kapacitete materiale, automjete”, u shpreh një ndër përfaqësuesit e AKCM.

Projekti parashikon që vitin e ardhshëm të ofrojë pajisje moderne si drone, varka shpëtimi, veshje profesionale dhe mjete për zonat malore. Fushata ndërgjegjësuese është zhvilluar gjithashtu në katër shkolla, me një  fondi i akorduar nga BE.

Gazetare: Bjolanda Cuku

/rtsh.al/