Lëvizja për Zhvillim Kombëtar zhvilloi një tryezë të hapur diskutimi mbi Reformën Territoriale dhe Reformën Zgjedhore, duke i cilësuar ato si kyçe për rikthimin e demokracisë funksionale dhe përfaqësimit real politik.

Kryetari i LZHK-së, Dashamir Shehi, theksoi nevojën për bashkimin e forcave progresiste për të ndërtuar një projekt të ri politik dhe për të rikthyer fokusin te reformat e mëdha.

“Shqipëria po përjeton një nga periudhat më të vështira në raport me shtetin, me Kushtetutën, edhe me jetën publike. Korrupsioni është i kudondodhur dhe çdo ditë ka skandale që përfshijnë ekzekutivin në gjithë nivelet, por edhe segmentet si biznesi, mediat, madje edhe ndërkombëtarët.” – tha Dashamir Shehi,.

Duke folur për reformën territoriale, Shehi kërkoi që ndryshimet në ndarjen administrative të realizohen para zgjedhjeve lokale, duke vlerësuar se reforma e vitit 2015 ka dështuar.

Në lidhje me reformën zgjedhore, ai propozoi pjesëmarrje minimale 50% në zgjedhjet vendore, votim në dy raunde për kryetarët e bashkive dhe ndryshime të thella në sistemin zgjedhor kombëtar.

“Shpresa për ndryshim janë vetëm forcat e reja progresiste, individë, pra kontribuues të tjerë nga këto që janë sot.”

Gazetare: Bjolanda Cuku

/rtsh.al/