Aksident në aksin Fier–Roskovec, makina përplaset me mjet bujqësor, një i plagosur

Aktualitet | 11 muaj më parë

Një aksident automobilistik është regjistruar pasditen e kësaj të premte në aksin Fier–Roskovec, pranë fshatit Velmish. Një automjet tip “Benz”, me drejtues shtetasin J.SH., është përplasur me një mjet bujqësor tip “Zetor”.

Si pasojë e përplasjes, drejtuesi i mjetit bujqësor, shtetasi M.H., ka mbetur i lënduar. Ai është transportuar me urgjencë drejt Qendrës Shëndetësore të Roskovecit, ku ka marrë ndihmën e parë mjekësore. Sipas burimeve mjekësore, i lënduari ndodhet jashtë rrezikut për jetën.

Në vendngjarje kanë mbërritur shërbimet e Policisë dhe grupi hetimor, të cilët po punojnë për zbardhjen e plotë të rrethanave dhe përcaktimin e shkaqeve të aksidentit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.