Këngëtarja e njohur Vesa Luma, e ftuar në natën e tretë të Festivalit 64 të Këngës në Radio Televizionin Shqiptar ka kënduar në duet së bashku me Lorenc Hasramën.

Pas emocioneve që dhuruan në skenë me këngën e njohur “Shiu” të Ylli Limanit, Vesa Luma dha edhe arsyet e përzgjedhjes së kësaj kënge.

“Përtej vlerave artistike të jashtëzakonshme që ka Ylli, e kemi pas lënë me dalë në treg bashkë por kemi pasur impenjime të dy, zgjodha që unë të këndoj këngën dhe ai të paguajë faturën”, u shpreh Vesa Luma.

E pyetur nga prezantuesja Arilena Ara se si cili vlerësimi i saj për Festivalin e 64, Vesa Luma tha se ky event është i jashtëzakonshëm.

“Festival i jashtëzakonshëm, këngët asnjëherë nuk kanë qenë më të mira dhe i përgëzoj të gjithë, sidomos artistët e rinj shumë këtë vit. Skenografia e jashtëzakonshme, u kënaqa shumë. Ti dhe Salsano jeni tamam ëmbëlsira e Festivalit”, tha Vesa Luma.

/rtsh.al/