Emery shpjegon pse nuk i shtrëngoi dorën Artetës

Angli | 10 muaj më parë

Aston Villa kishte arritur njëmbëdhjetë fitore radhazi në ndeshjet zyrtare përpara se të vizitonte stadiumin “Emirates”. Të martën në mbrëmje, “Topçinjtë” arritën që të thyenin këtë seri duke përfituar edhe nga dëmtimet e shumta që prekën ekipin e Villa-s.

Menjëherë pas humbjes 1-4, një skenë mbeti në kujtesë të tifozëve kur vunë re se Mikel Arteta kërkoi pa sukses homologun e tij për t’i shtrënguar duart. Emery i shtrëngoi dorën vetëm gjyqtarit të katërt Thomas Kirk. “Prita sa prita dhe ika. Arteta ishte i lumtur, sigurisht që ishte i lumtur dhe në atë moment ishte me stafin e tij. Normalisht, gjithmonë shtrëngoj duart me trajnerin kundërshtar. Nëse ai nuk ndjek të njëjtën procedurë, atëherë nuk mund të pres, ishte ftohtë”, tha trajneri i Aston Villa.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.