Pas transferimit të tij në Arabinë Saudite për të luajtur për Al-Hilal, Theo Hernandez mund të kthehet së shpejti në Itali: Juventusi është në kërkim të ish-mbrojtësit të Milanit.

Carlo Pellegatti bëri njoftimin sensacional në kanalin e tij në YouTube, duke zbuluar se “ka kontakte midis rrethit të Theos dhe klubit bardhezi, një marrëveshje jo për janarin, por për verën e ardhshme”. Juventusi është një destinacion i mirëpritur për Theon, i cili është tashmë gati t’i thotë lamtumirë Arabisë Saudite.

Pengesa kryesore për marrëveshjen padyshim mbetet paga e tij. Në Arabinë Saudite, Hernandez fiton rreth 20 milionë euro në sezon, një shifër e pakonkurueshme për çdo klub italian. Megjithatë, dëshira e lojtarit për t’u rikthyer në skenë në Evropë mund të jetë vendimtare.

Sipas thashethemeve, francezi është i gatshëm të pranojë një ulje të ndjeshme të pagës për të përqafuar projektin e Juventusit dhe për t’u rikthyer në ballë të futbollit ndërkombëtar të nivelit të lartë.