Stan Wawrinka, kampion në Melburn në 2014-ën, është kualifikuar në turin e 3-të të Australian Open në moshën 40 vjeç e 296 ditë. Ai ka hyrë kështu në historinë e Slam-it si lojtari i parë mbi 40 vjeç që shkon në turin e 3-të që nga viti 1978.

Tenisti zviceran, i vitlindjes 1985, me vështirësi ia doli të kalonte kundërshtarë shumë më të rinj në moshë. Së fundi ai fitoi maratonën 4-6, 6-3, 3-6, 7-5 dhe 7-6 kundër 21-vjeçarit Arthur Gea.

Rezultati i arritur pas 4 orësh e 33 minuta e futi në historinë e turneut australian Wawrinka. Para tij, lojtari mbi 40 vjeç që kishte shkuar në turin e 3-të ishte Ken Rosewall, në 1978-ën. Tani e pret Taylor Fritz, numri 9 i klasifikimit Atp. Atyre që e pyetën se si do t’ia bëjë për t’u rikuperuar nga lodhja e ndeshjes së fundit, zvicerani iu përgjigj me të qeshur: “Nuk e kam idenë, por pashë një birrë diku këtu dhe them se e kam merituar”.