GJKKO pushon hetimet për Rrumbullakun: Nuk ka prova që vërtetojnë akuzën e shpërdorimit të detyrës

Aktualitet | 9 muaj më parë

Gjykata e posaçme pushoi hetimet ndaj ish-Drejtorit të Përgjithshëm të Policisë së Shtetit Muhamet Rrumbullaku, ndaj të cilit më herët ishin ngritur akuza për shpërdorim detyre, lidhur me disa transferime të konsideruara të padrejta të oficerëve të Policisë.

Ishte SPAK që kërkoi pushimin e çështjes, kërkesë që u pranua nga gjykata pas verifikimit të lëvizjeve që Rrumbullaku kishte bërë e për të cilat dyshohej se ishin realizuar jo konform ligjit.

SPAK tha se ndaj Rrumbullakut nuk u gjet asnjë element i shpërdorimit të detyrës, pas kallëzimit të bërë ndaj tij.

Bëhet fjalë për 20 transferime në radhët e uniformave blu që disa pretenduan se ishin të paligjshme.

Gazetare: Flutura Tota

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.