Analisti Neritan Alibali ka deklaruar në emisionin “3D” të Alban Dudushit në RTSH1 se ka një brez të mirëshkolluar që kërkojnë liri nga regjimi autokratik në Iran.

“Ajo që është e veçanta dhe më bën përshtypje pavarësisht të gjitha defekteve, aty ka një shoqëri dhe një brezi të ri, ku inteligjenca është e mirëshkolluar, e nivelit të lartë.

Ka një vokacion lirie që e kërkojnë lirinë. Ne kemi parë ndër vite ku janë bërë fushatat elektorale, herë kanë ardhur në fuqi të moderuarit dhe pastaj ekstremistët”, u shpreh Alibali.

Alibali vuri në dukje se aktualisht populli iranian nuk mund ta rrëzojë regjimin për shkak të kapaciteteve shtypëse që ky i fundit bart në vetvete.

Megjithatë, sipas tij, gjërat janë duke lëvizur pasi interesat e Shtetet e Bashkuara të Amerikës janë puqur me interesat e popullit iranian.

“Një Iran i cili lëviz, por nuk është bardh e zi. Patjetër që nuk mund ta rrëzojë populli iranian regjimin për vetë kapacitetet e dhunës që ata kanë por duket që interesat e Shtetet e Bashkuara të Amerikës janë puqur me interesat e popullit liridashës iranian”, theksoi më tej Alibali.

/rtsh.al/