Canka shpërdoron penallti, Burreli largohet me fitore nga Lushnja

Kategoria e Parë | 9 muaj më parë

Burreli ka marrë një fitore të çmuar 1-0 në “Roza Haxhiu” përballë vendasve të Lushnjës, në sfidën që mbylli javën e 20-të të Kategorisë së Parë.

Sfida e transmetuar në RTSH Sport ka qenë e mbushur me emocione. Pjesa e parë mbyllet në barazim pa gola. Me fillimin e pjesës së dytë, Lushnja ka një mundësi të artë për të kaluar në avantazh, pasi fiton një penallti, por kapiteni Canka gabon nga 11-metrat, duke goditur jashtë.

Burreli merr zemër dhe arrin që të shënojë me Mëllugjën golin që vendosi fatin e kësaj ndeshjeje.

Matjanët ngjiten në vendin e katërt në renditje në kuotën e 29 pikëve, pas këtij suksesi, ndërsa Lushnja mbetet në vendin e 10-të me 20 pikë pas 20 ndeshjeve të luajtura.

burreli

Lushnja

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.