Vrau Igli Pashollarin në një konflikt të çastit, gjykata lë në burg Buçpapajn. Autori: Jam penduar

Aktualitet | 8 muaj më parë

Gjykata e Tiranës ka lënë në burg 40-vjeçarin Gazmend Buçpapaj, i akuzuar për vrasjen e Igli Pashollarit pas një konflikti të çastit në rrugën “Kongresi i Lushnjës” në Tiranë.

Ngjarja e rëndë ka ndodhur më 20 shkurt 2026, ku sipas hetimeve paraprake, viktima është qëlluar për vdekje me thikë.

Gjatë seancës gjyqësore, i dyshuari ka shprehur pendesë për veprimin e kryer dhe i ka kërkuar ndjesë familjes së viktimës.

Buçpapaj u arrestua dy ditë më parë në Tropojë, pasi ishte shpallur në kërkim nga autoritetet. Pas ngjarjes, ai ishte larguar nga Tirana në përpjekje për t’iu shmangur drejtësisë.

Prokuroria e akuzon 40-vjeçarin për veprat penale “Vrasja me dashje” dhe “Prodhimi, mbajtja, blerja apo shitja pa leje e armëve të ftohta”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.