Agjencia e Administrimit të Pasurive të Sekuestruara dhe të Konfiskuara ka vijuar punën për lirimin dhe pastrimin e hapësirave publike të zëna nga automjete dhe motomjete të vjetra.

Këtë radhë, Agjencia e Administrimit të Pasurive të Sekuestruara dhe të Konfiskuara është përqendruar në zonën e Mulletit në Tiranë, ku ka liruar dhe pastruar hapësirat e zënë nga makinat e vjetra, të cilat i nënshtrohen procesit të çmontimit dhe riciklimit sipas standardeve përkatëse, duke lehtësuar kësisoj mjedisin nga “varrezat” e ndryshkut.

Aksionin e Agjencisë së Administrimit të Pasurive të Sekuestruara dhe të Konfiskuara e ka shpërndarë në rrjetet sociale edhe kryeministri Edi Rama i cili ka publikuar pamje nga procesi i zhvendosjes së makinave të vjetra.

“Agjencia e Administrimit të Pasurive të Sekuestruara dhe të Konfiskuara vijon punën për lirimin dhe pastrimin e hapësirave publike të zëna nga automjete dhe motomjete të vjetra, që i nënshtrohen procesit të çmontimit dhe riciklimit sipas standardeve përkatëse, duke lehtësuar kesisoj mjedisin nga “varrezat” e ndryshkut”, shkruan Rama në rrjetin social në Facebook.