Pas paralajmërimit të Presidentit amerikan, Donald Trump, se të martën do të goditen ura dhe termocentrale në Iran në rast se nuk hapet Ngushtica e Hormuzit, Teherani ka reaguar ashpër.

Kreu i Parlamentit iranian, Mohammad Bagher Ghalibaf, iu drejtua presidentit amerikan duke deklaruar se veprimet e tij “po i zvarrisin Shtetet e Bashkuara në një FERR të gjallë për çdo familje”.

Kreu i Parlamentit iranian i kërkon Trumpit të ndalojë, përndryshe sipas tij, i gjithë rajoni do të digjet.

“Lëvizjet tuaja të pamatura po i zvarrisin Shtetet e Bashkuara në një FERR të gjallë për çdo familje, dhe i gjithë rajoni ynë do të digjet sepse ju këmbëngulni të ndiqni urdhrat e Netanyahut. Mos u gaboni: Nuk do të fitoni asgjë përmes krimeve të luftës”, shkruan në reagim ai.

Më herët, Trump paralajmëroi Iranin të hapë Ngushticën e Hormuzit, përndryshe të martën do të goditen ura dhe termocentrale. Ai gjithashtu shprehu optimizëm për mundësinë e arritjes së një marrëveshjeje me Teheranin që të hënën.

/rtsh.al/