Bllokohen mallra të dyshuara për shkelje të pronësisë intelektuale në Kakavijë

Aktualitet | 7 muaj më parë

Rreth 1500 palë atlete, të dyshuara për cenim të një marke tregtare, janë bllokuar nga strukturat doganore në pikën kufitare të Kakavijës. Ngarkesa u zbulua gjatë një kontrolli fizik mbi një mjet transporti të deklaruar për regjim tranziti.

Sipas verifikimeve, pjesa tjetër e mallrave ishte në përputhje me deklarimin doganor, ndërsa produktet e dyshuara u sekuestruan për procedura të mëtejshme. Mjeti u vendos në parkimin doganor dhe po mbahet nën monitorim deri në përfundim të hetimeve administrative.

Drejtoria e Përgjithshme e Doganave thekson angazhimin e saj për forcimin e kontrolleve, garantimin e konkurrencës së ndershme dhe respektimin e legjislacionit në fushën e tregtisë dhe të drejtave të pronësisë intelektuale.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.