Gjykata e Lartë shqyrton më 23 prill kërkesën e Metës për lirim nga burgu

Aktualitet | 7 muaj më parë

Gjykata e Lartë ka caktuar datën 23 prill për shqyrtimin e kërkesës së ish-presidentit dhe kreut të Partisë së Lirisë, Ilir Meta, i cili kërkon lirimin nga paraburgimi.

Meta i është drejtuar disa herë më parë shkallëve të gjyqësorit me kërkesa për ndryshimin e masës së sigurisë, por ato janë rrëzuar si në shkallën e parë ashtu edhe në atë të dytë.

Sipas mbrojtjes së tij, rrethanat e çështjes kanë ndryshuar, pasi dosja penale ndaj Metës është kaluar për gjykim, çka sipas tyre përbën arsye për rishikimin e masës së arrestit.

Kërkesa e Metës do të shqyrtohet nga trupi gjykues i përbërë nga gjyqtarët Ilir Panda, Albana Boksi dhe Genta Shala.

Ilir Meta po hetohet për veprat penale “korrupsion pasiv”, “pastrim parash” dhe “fshehje të pasurisë”, akuza që ai i ka kundërshtuar më herët.

Ilir Meta ndodhet në burg që prej 21 tetorit 2024. Dosja ‘Meta’ përfshin tre hetime të bashkuara: aferën CEZ-DIA, lobimin në SHBA dhe hetimin pasuror.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.