Xhudo/ Distria Krasniqi kualifikohet në finale të Kampionatit Europian

Kosova | 7 muaj më parë

Distria Krasniqi, xhudistja e njohur kosovare, është kualifikuar për në finale të Kampionatit Europian, që po zhvillohet në Tbilisi të Gjeorgjisë. Në këtë aktivitet garojnë 400 xhudistë nga 46 vende të ndryshme të botës.

Në gjysmëfinale Krasniqi mposhti italianen Odette Giufrida, ndërsa në finale do të ndeshet me francezen Amandine Buchard.

Distria Krasniqi i ka nisur mirë garat në kategorinë e saj deri në 52 kilogramë. Ajo ka fituar në xhiron e dytë dhe pastaj në çerekfinale. Në përballjen e parë arriti të fitojë ndaj çekes Tereza Bodnarova, duke e mposhtur me “waza-ari”.

Edhe në çerekfinale sportistja kosovare ishte brilante, duke mundur polaken Aleksandra Kaleta. Për të ardhur në gjysmëfinale, ku mposhti italianen Giufrida.

Për Kosovën kanë garuar në Europian edhe Fatjona Kasapi dhe Erza Muminoviq, të cilat u eliminuan.

Europiani

finalja

Krasniqi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.