Migjen Basha merr drejtimin e Lausanne në Zvicër, klubi e emëron trajner të përkohshëm

Futboll Bota | 7 muaj më parë

Ish-futbollisti i Kombëtares shqiptare, Migjen Basha, është emëruar trajner i skuadrës zvicerane Lausanne, së bashku me Markus Neumayr. Drejtuesit e kësaj skuadre kanë vendosur të bëjnë ndryshime në stol.

Peter Zeidler është larguar nga detyra e trajnerit dhe vendin e tij e kanë marrë Basha dhe Neumayr, me shumë mundësi deri në fund të këtij sezoni.

“Për të mbyllur sezonin, ekipi do të drejtohet nga një dyshe e përbërë nga Migjen Basha dhe Markus Neumayr, të dy anëtarë të stafit teknik të ekipit të parë. Ish-lojtari i Shqipërisë i lindur në Lausanne, Migjen Basha, iu bashkua klubit në vitin 2022, duke mbajtur rolin e menaxherit të talenteve”, – shkruan Lausanne në njoftimin për ndryshimet në staf.

Basha dhe Neumayer do ta drejtojnë Lausannen deri në momentin që klubi do të gjejë trajner të ri.

basha

Lausanne

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.