Kapet me pistoletë në makinë 21-vjeçari në Tiranë, pranga edhe shoferit

Aktualitet | 7 muaj më parë

Në Tiranë është finalizuar operacioni policor i koduar “Back Side”, i zhvilluar nga Forca e Posaçme “Shqiponja” (Njësia “Shigjeta”) në bashkëpunim me Komisariatin e Policisë Nr. 6.

Gjatë ndërhyrjes në zonën e Qafë Kasharit, shërbimet e policisë ndaluan një automjet me drejtues shtetasin E. A., 23 vjeç, dhe pasagjer shtetasin E. L., 21 vjeç, të dy banues në Shkodër.

Nga kontrolli fizik, pasagjerit E. L. iu gjet dhe sekuestrua një armë zjarri pistoletë me municion luftarak, të cilën e posedonte pa leje.

Në përfundim të veprimeve procedurale, u arrestuan të dy shtetasit: E. L. për “Mbajtja pa leje dhe prodhimi i armëve, armëve shpërthyese dhe i municionit”, si dhe E. A. për “Moskallëzimi i krimit”.

Policia sekuestroi armën e zjarrit dhe automjetin, ndërsa materialet i janë referuar Prokurorisë për veprime të mëtejshme.

/rtsh.al/

arrestim

polici

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.