Oriku fiton finalen përballë Butrintit dhe ngjitet në Kategorinë e Parë

Kategoria e Dytë | 7 muaj më parë

Emocione të mëdha ka dhuruar finalja Oriku-Butrinti në Kategorinë e Dytë, sfidë që u transmetua drejtpërdrejt në rrjetin e Radio Televizionit Shqiptar. Vendasit kanë fituar këtë përballje direkte me rezultatin 3-0, janë shpallur kampionë të Grupit B në Kategorinë e Dytë dhe për rrjedhojë janë ngjitur direkt në Kategorinë e Parë.

Portieri Bunkhoev ka qenë heroi i Orikut në këtë takim, pasi ka shënuar dy gola me penallti, por edhe ka pritur një 11-metërsh të sarandjotëve kur rezultati ishte 1-0. Golin e tretë për vendasit e shënoi Mirani, ndërsa miqtë luajtën me një lojtar më pak për 30 minuta pasi Mounde u ndëshkua me karton të kuq.

Mbyllet sezoni i rregullt në Kategorinë e Dytë. Oriku ngjitet direkt në Kategorinë e Parë, ndërsa Butrinti do të tentojë ngjitjen përmes ndeshjeve të Play Off-it.

Oriku-Butrinti

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.