Shqip
English
Français
Deutsch
Ελληνικά
Italiano
Srpski
TürkçeEuropiani i Peshëngritjes/ Enkileda Carja mbyll garën me një arritje madhështore
Enkileda Carja e mbyll me sukses Kampionatin Europian për të rritur, duke u renditur në vendin e katërt në shkëputje dhe duke thyer dy rekorde për të reja.
Në Kampionatin Europian të Peshëngritjes në Batumi të Gjeorgjisë, kampionia shqiptare jo vetëm që shkëlqeu në stilin e shkëputjes me 103 kg, duke thyer rekordin europian për të rinj, por vazhdoi dominimin edhe në shtytje, ku realizoi 123 kg.
Me këtë performancë të jashtëzakonshme, Enkileda Carja theu gjithsej dy rekorde europiane: një në stilin e shkëputjes dhe një në totalin e dygarëshit, duke vulosur një sukses historik për peshëngritjen shqiptare.
Një paraqitje brilante që konfirmon nivelin e saj elitar dhe e ngre edhe më lart flamurin shqiptar në arenën ndërkombëtare.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Më të lexuarat
