Aksident i rëndë në superstradën Fushë-Krujë – Milot, një viktimë dhe dy të plagosur

Aktualitet | 6 muaj më parë

Një aksident i rëndë ka ndodhur sot në superstradën Fushë-Krujë – Milot, në afërsi të Thumanës.

Sipas të dhënave paraprake, një Mercedes me drejtues R. M. nga Borizana është përplasur me një Pasat që drejtohej nga N. R. nga Mirdita.

Për pasojë, N. R. është plagosur rëndë, ndërsa pasagjerja që udhëtonte me të, T. L., ka humbur jetën. Gjithashtu, një grua që ndodhej në biznesin e saj pranë vendit të ngjarjes është plagosur pasi u godit nga një pjesë e automjetit Pasat.

Paraprakisht dyshohet se shkak i aksidentit ka qenë ndërprerja e gabuar e rrugës nga Pasati dhe shpejtësia e lartë e Mercedesit, ndërsa policia vijon hetimet.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.