Preferoi Stockport-Port Vale përballë PSG-Bayern, Guardiola bën ironi: Ndeshja e Championsit luhej mes dy skuadrave të dobta!

Angli | 6 muaj më parë

Të martën në mbrëmje Josep Guardiola ka qenë mes atyre pak personave, të cilët kanë humbur spektaklin që ofroi ndeshja mes PSG-së dhe Bayern-it.

Fakti se City i tij nuk kishte asnjë impenjim në fushë nuk ka lënë shumë justifikime për trajnerin, spanjoll, i cili atë mbrëmje ishte shkallët e stadiumit për të ndjekur ndeshjen Stockport-Port Vale.

“Pashë kalendarin dhe kur vura re takimin PSG-Bayern i thash vetes: Ndeshje e dobët, me menaxherë m… dhe lojtarë të dobët”, iu përgjigj Guardiola gazetarit që e pyeti sot se përse ishte në shkallët e “Edgeley Park”.

Më pas trajneri i City-t la ironinë dhe sqaroi: “Dashuroj futbollin anglez dhe prandaj shkova atje. Ndeshjen mes PSG-së dhe Bayern-it e ndoqa ritransmetim kur u ktheva dhe e shijova me një gotë verë”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.