Merkato/ Bayern-i kërkon edhe De Ketelaere, Atalanta shtyn negociatat për javën e ardhshme

Gjermani | 6 muaj më parë

Bayern-i dëshiron të afrojë në Mynih edhe Charles de Ketelaere. Klubi bavarez ka nisur të përforcojë ekipin për sezonin e ardhshëm duke parë vështirësitë që kishte Vincent Kompany këtë vit me opsionet e pakëta që kishte stol.

Sipas “Sky Sports”, Bayern-i ka marrë “OK”-in e fantazistit belg të Atalanta-s, Charles de Ketelaere.

25-vjeçari vlerësohet shumë prej stafit drejtues të Bayern-it ndërsa mësohet se edhe marrëveshja me Atalanta-n nuk pritet që të jetë e vështirë për t’u arritur.

Ekipi nga Bergamo ka pranuar që të takohet me drejtuesit e Bayern-in javën që vjen. Pas atij takimi do të mësohet diçka më shumë rreth shifrave konkrete që pritet të lëvrohen për të mundësuar këtë transferim. Në 139 ndeshje me ekipin italian, 25-vjeçari ka shënuar 32 gola dhe ka dhënë 31 asist.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.