Intensifikohet diplomacia rajonale, Katari dhe Pakistani ndërmjetës në bisedimet për paqen me Iranin

Botë | 5 muaj më parë

Përpjekjet diplomatike për të arritur një marrëveshje paqeje midis Shteteve të Bashkuara dhe Iranit po intensifikohen.

Një ekip negociator nga Katar mbërriti në Teheran të premten, më 22 maj, në koordinim me SHBA-në, për të ndihmuar në finalizimin e një marrëveshjeje që synon t’i japë fund konfliktit dhe të zgjidhë mosmarrëveshjet, raportoi Reuters duke cituar burime diplomatike.

Megjithëse Doha kishte shmangur kryesisht një rol ndërmjetësues pas sulmeve iraniane me raketa dhe dronë ndaj Katarit gjatë luftimeve të fundit, ky hap tregon përfshirjen e saj më të gjerë në diplomacinë rajonale.

Ndërkohë, shefi i ushtrisë së Pakistanit, Asim Munir, ndodhet gjithashtu në Teheran për takime me zyrtarë të lartë iranianë, sipas agjencisë IRNA që citoi një burim diplomatik në Islamabad.

Vizita e tij përkon me qëndrimin e Ministrit të Brendshëm të Pakistanit, Mohsin Raza Naqvi, i cili ndodhet në Teheran për të tretën ditë radhazi, duke theksuar intensifikimin e kontakteve midis dy vendeve fqinje.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.