Pas triumfit në Budapest, tifozët “djegin” Parisin, një person ka humbur jetën, 219 janë të plagosurit

Sport | 5 muaj më parë

Triumfi i PSG-së në Hungari është shoqëruar me trazira në Francë. Si pasojë e përleshjes së policisë me individë të maskuar janë ndaluar gati 300 persona vetëm në Paris.

Sipas Ministrisë së Brendshme Franceze janë ndaluar 283 persona ndërsa janë plagosur shtatë oficerë të policisë.

Festimet në Paris pas triumfit të PSG-së në finalen e Ligës së Kampionëve u përshkallëzuan gjatë natës.

sipas agjencisë së lajmeve AFP, mbështetësit bllokuan trafikun në unazën e qytetit. Policia raportoi gjithashtu se pas fitores së Paris Saint-Germain rreth 20,000 tifozë u dyndën në Champs-Élysées.

Mes tifozëve janë plagosur plot 219 persona ndërsa tetë janë në gjendje të rëndë në spital. Sa i përket personit që ka humbur jetën policia ka bërë me dije se ka qenë një tifoz, i cili është përlasur me motorin e tij me një trotuar në unazën e qytetit, shumë pranë “Parc des Princes”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.